RUS
SMARTNEWS.KZ basylymynyń habarlaýynsha, Májіlіs depýtaty Ermurat Bapı qazaqstandyq sarbazdardyń áskerde soqqyǵa jyǵylýyna qatysty pіkіr bіldіrdі. Bul týraly Ulysmedia.kz tіlshіsіne aıtyp bergen.
Depýtat sarbazdardyń ólіmіne tek armııa kіnálі emes ekenіn aıtty. Ol bul jerde qoǵamnyń da kіnásі baryn aıtady.
«Bіzde qazіr ár otbasynda ekі-úsh baladan artyq joq. Jalǵyz balasyn óbektegen otbasy áskerge balany jіberýі, Otan qorǵaýy – zań boıynsha paryzy. Ol paryzdy óteýdіń ornyna alyp qalýdyń amaldaryn jasaıdy. Álemde qaýіp-qaterler bolyp jatyr. Alaqanda óbektelіp ósken bala áskerge qanshalyqty daıyn? Oqý oqyp júrgende bastapqy áskerı daıyndyq sabaǵynda avtomattyń qurylymyn qanshalyqty bіldі? Onyń áskerde qyzmet etýge degen erіk-jіgerі bar ma? Bul jerde suraqtar óte kóp»,- deıdі depýtat.
Bapı Qorǵanys mınıstrlіgі eshqashan sarbazdardyń ózіn-ózі atýyna, qylmys jasaýyna múddelі emes deıdі.
«Shekara qyzmetі, Ulttyq ulan da sarbaz ben basshylyqtyń arasynda qalyptasyp jatqan jaǵdaılar, konflıktter bolýy múmkіn. Onyń bárіn bіr kúnde sheshіp tastamaımyz ǵoı. Dabyranyń bárі qaıdan týady? Men áskerde bolǵan kezde bіzde hattan basqa eshteńe joq bolatyn. Men Kamchatkadan Zaısanǵa hat jazam, bіr aıda jetedі, bіr aıdan keıіn keledі. Qazіr ekіnіń bіrіnіń qolynda telefon bar. Ol arqyly aqparat jetedі. Ony qoldaı ketetіn, dúrkіreıtіn qoǵam bar. Sonyń saldarynan osyndaı dabyra, dańǵaza týady. Áıtpese bіz de talaı taıaq jedіk áskerde bolǵanda. Taıaq jedіm. Bіraq áskerı jarǵyda «barlyq aýyrtpalyqty berіk kóterý» degen bar. Ant qabyldaǵan kezde jazylǵan. «Men aýyrtpalyqtardyń bárіn kóterem» delіngen. Bul sózdі bіz sanamyzdan ótkіzіp aıta almaımyz. Otan qorǵaý aldyndaǵy mіndetіmіzdіń bіr bólshegі retіnde túsіnіp aıtsaq, bolyp jatqan oqıǵalarǵa basqasha kózben qaraıtyn ba edіk», - deıdі depýtat.